Bíodh do cheacht agat!

0
Have your say

Baintear úsáid as litir stairiúil a scríobh Seán O’Casey sa bhliain 1942 mar cheacht d’fhoghlaimeoirí san eagrán reatha de Saol.ie. Sa litir iarann an drámadóir cead ar Walter Macken leagan Gaeilge de ‘Juno and the Paycock’ a léiriú i nGaeilge i dTaibhdhearc na Gaillimhe. Bhí O’Casey ina bhall de Chonradh na Gaeilge ar feadh tamaill agus deir sé nár tógadh athbheochan na Gaeilge i gceart. (Tá rudaí sa saol seo nach n-athraíonn: rinne Foras na Gaeilge prácas iomlán de mhaoinithe na Gaeilge ar na mallaibh.) Tá cur chuige an cheachta an-suimiúil. Tugtar míniú de fhrásaí deacra idir lúibíní tríd an téacs. Ansin moltar an téacs a athscríobh gan na mínithe Béarla.

Ach chun am a shábháil is féidír cóip a dhéanamh agus an Béarla a scriosadh amach.

Mar sin de, tá píosa scríbhneoireachta leanúnach agat i nGaeilge agus is féidir leat gníomhaíochtaí a dhéanamh bunaithe ar an téacs. Bain triail as!

San eagrán céanna cuirtear agallamh ar Risteard Mac Annraoi, síochánaí agus scríbhneoir. Is ball de Chumann na gCarad é agus tá thart fá 20 leabhar scríofa aige. ‘Mil as gach bláth’ an teideal ar an leabhar is déanaí. Blaiseadh de litríocht an domhain atá ann le sleachta as an-chuid leabhar le scríbhneoirí a bhfuil cáil dhomhanda orthu.

Tá alt ann faoi Sheán Ó Mainnín, an dornálaí. Foilsíodh beathaisnéis faoi le Rónán Mac Con Iomaire ar na mallaibh. Insíonn ‘Rocky Ros Muc’ scéal atá brónach agus greannmhar ag an am céanna. Deir an t-údar: ‘Bhí tuairim agam go mbeadh scéal maith agam, ach níor thuig mé cé chomh spéisiúil i ndáiríre agus a bhí saol Sheáin Uí Mhainnín…. caithfear é a áireamh i measc mhórdhornálaithe na tíre seo.’

Clúitear a lán eile an mhí seo: imeachtaí Gaeilge ar fud na tíre, foilseacháin nua,

seoladh ‘Scéal na Gaeilge i nDoire’, Taispeántas Eolaí Óg ina measc. Ná caill an t-Bíodh do cheacht agat! eagrán seo.