Iriseoireacht den chéad scoth

Tá lón léitheoireachta in Tuairisc.ie faoi láthair. Caithfidh mé a rá go raibh mé amhrasach faoin tionscnamh seo ar dtús ach tá cinn de na scríbhneoirí is fearr atá againn ag scríobh don iris anois, Alex Hijmans ina measc.

Tá lón léitheoireachta in Tuairisc.ie faoi láthair. Caithfidh mé a rá go raibh mé amhrasach faoin tionscnamh seo ar dtús ach tá cinn de na scríbhneoirí is fearr atá againn ag scríobh don iris anois, Alex Hijmans ina measc.

Is cinnte gur thug sibh faoi deara nach bhfuil ‘Mac’ nó ‘Ó’ ina shloinne: is as an Ísiltír é. Chomh maith le hailt in irisí agus i nuachtáin, tá trí leabhar agus cúpla dráma scríofa aige i nGaeilge. Sular bhog sé go dtí an Bhrasaíl, d’oibrigh sé le Foinse, le Raidió na Gaeltachta, agus TG4. Tá na foghlaimeoirí Éireannacha ag dul ar strae ar bhealach éigin…

San eagrán reatha, deir Alex go bhfuil trí fhadhb ann le haghaidh a thabhairt orthu i mbliana: ceist na dteifeach. ‘Nach náireach an an chaoi a ndeachaigh (nó nach ndeachaigh) an Eoraip i ngleic leis an sruth seasta teifeach ón mheánoirthear agus ón Afraic?’; ceist na sceimhlitheoireachta - an bhliain seo, go háirithe nuair a bheidh na Cluichí Oilimpeacha agus Craobhchomórtas na hEorpa ann; ceist athrú na haeráide: ‘Tá an fharraige ag ardú, tá an fásach ag leathnú.. Caithfimid éisteacht le glór na cruinne féin.’(Gaeilge ghalánta!)

Molann Alex an traein, an bus, an rothar agus an carr leictreach dúinn. (Is féidir coisíocht a chur leis sin!)

Cuireann sé ceist faoi thodhchaí an náisiún-stáit, agus tosaíonn seo díospóireacht ar-líne an-suimiúil.

San eagrán céanna, déanann John Walsh cur síos ar chúrsaí sa Chatalóin i ndiaidh olltoghchán na Spáinne.

Deir Póilín Ní Chiaráin go bhfuil brú ar na ceannairí polaitiúla an bhliain seo, bliain na dtoghchán.

Tá i bhfad níos mó in Tuairisc.ie ná polaitíocht, buíochas le Dia. Tá siad ábalta píosaí nuachta a chur ar an suíomh díreach chomh luath agus a tharlaíonn sé, chóir a bheith. Tá spórt ann (sa dá chiall den fhocal). Baintear úsáid as físeán ar an suíomh chomh maith. Mura bhfaca tú é go fóill, ná caill Aitheagasc na Nollag agus na hAthbhliana ó Uachtarán na hÉireann, léite go hálainn i nGaeilge bhlasta bhinn. Sárshaothar atá ann.