Foyle Search & Rescue ag glacadh páirt i gclár nua ar BBC Gaeilge 999 Faoi Oiliúint

Is gairm é. Agus ní gairm é a oireann do chách.

Is sraith úr faisnéise ceithre chlár í 999 Faoi Oiliúint ina leantar saol na bhfear agus na mban atá i mbun oiliúna do na seirbhísí tosaigh. Below the Radar TV a léirigh le haghaidh BBC Gaeilge agus RTÉ, agus Ciste Craoltóireachta Gaeilge Scáileáin Thuaisceart Éireann a mhaoinigh.

Ag tosú ar BBC Two NI agus BBC iPlayer ar an 29 Bealtaine ag 10 i.n., leanann 999 Faoi Oiliúint daltaí úra faoi dhianthraenáil throm - an comhraiceoir dóiteáin, an paraimhíochaineoir, an tarrthálaí sléibhe, an garda cósta - go bhfeictear an bhfuil siad inchurtha leis an obair.

Buaileann muid le hoiliúnaithe ó Cuardach agus Tarrtháil Feabhail; Cuardach agus Tarrtháil Loch nEathach; Seirbhís Dóiteáin na Gaillimhe; Foireann Tarrthála Sléibhe Mhaigh Eo; Seirbhís Dóiteáin Bhaile Átha Cliath; Seirbhís Náisiúnta Otharcharranna Éireann agus Garda Cósta na hÉireann.

TUILLEADH A LÉAMH: Derry Mayor hosts reception to celebrate 30 years of Foyle Search and Rescue

Leanann 999 Faoi Oiliúint ár n-oiliúnaithe agus iad ag dul i ngleic le fíorghlaonna amach.

In imeacht bliana a taifeadadh 999 Faoi Oiliúint agus léiríonn na hoiliúnaithe úra a neart, a ndíograis agus a misneach gan trácht ar an tiomantas buan daingean atá acu dá gcuid oibre.

Déantar grinnscrúdú ar shochar agus dochar na traenála agus tchímid cad é mar a sheasann gach oiliúnaí báire na fola, de réir mar a chuireann siad na measúnuithe agus an oiliúint díobh.

Beidh sraith iomlán 999 Faoi Oiliúint ar fáil ar BBC iPlayer ón Luan 29 Bealtaine.

Derry house lights up for Foyle Search and Rescue